28 mar 2013

'A RREVOLUZZIONE D' 'O MASANIELLO D' 'O CAZZ'



Nu' Masaniello ave armato 'na manica 'e fessi, tutt' 'ncazzate, armata di rabbia e livore, sono una folla, un tumulto, 'na rrevoluzzione...
Vonno attrasì dind' 'o Palazzo rriale.
Tutt' 'a cittàa' s'è arrevutata, chi chianne, chi allucca, chi cerca mazzacane pe' spaccà cape e feneste...
'Stu cazz' 'e Masaniello ave criato 'n'esercito 'e pezziente ca se sentono tutte ggenerale.
Ave fatto miracule, 'u cazzo d' 'o Masaniellone, ave fatta 'a rrevoluzzione 'nda sta città 'e mmerda de nobbili, prievute, ricchiune 'mparruccate e zoccole mbandite 'e ggiuielle.
Voleno mettere annura chella puveriella 'da principessa, se voleno fottere 'a madre riggina, voleno taglià 'a capa d' 'o rrè!
Marobnna 'e che scuncierto, c'a appaura, che traggedia!
Muorte ce saranno, la ggiustizzia popolare, finalmente, doppo anni di dolore.
E' arrivata 'a fine d' 'o munno, currite, 'uardate, fujite ...  tremmate, tremmate cumm' 'a fronne d'autunno... si site tiranne 'a capa nun arriverà a vedè 'o prossimo vierno!

Stu' Masaniello d' 'o cazzo, ne spar' 'e cazzate, essì, auffa, e quante ne spara!
Cchiù cchiù ne spara e cchiù 'sta manica 'e fessi s'arrvota appiessa a isso!
La folla 'ngrugnisce, 'o populo sbrafa, l'appaura 'ngrandisce.
E' overamente strano 'o popul' 'e chesta città. 
Puro 'o 'rre pare ca s'ave divertuto pe' paricchio tiempo appriesso 'a 'sta manica 'e fessi.
Adesso, è isso, 'o ddio ca tutte vanno prianno.
'Stu cazz' e Masaniello, c'ave addiventato 'nu ddio 'mbufaluto, nu' capopopolo, n'arringaminchioni... 
E' isso, 'nu cazzone allerta, zuzz' e 'nzivuso, c'accuminciaje tutto cumm' a 'na pazziella, pe' fessaria, 'na tarantella... mettenno mmiez' 'e uaje tutta 'sta ggente ca jeva chiagnenno mmiseria dall'eternità.
Isso,'o cazzone, 'sto Masaniello d' 'o cazzo, 'nzomma, jeva sulamente alluccanno, fujeva p' 'e vvie cumm' a 'nu pazzo, vuleva fasse 'nu nomme...
Ma era 'nu povero cristo, 'n'attore mancato, 'nu disperato senz'uochie pe' chiagne, 'nu muort' 'e famme e senza mestiere!
Jeva fujenno, se faceva 'nzeguire dalla 'fatica, ma nu se faceva mai anghiappare.
Inzomma, nun teneva ne' arte ne' parte.
Abbascio 'o puorto o chiammaveno 'o grillo parlante, penzanno a Pinocchio, chella trista macchietta, 'a mariunetta 'e 'ncoppa 'o tiatro. 

Accussì, 'o Masaniello d' 'o cazzo, jeva vestito 'a pezziente, alluccava e vulva fà rider' 'a ggente.
E chilli puverielle, ca tenevano 'nu sacc' 'e penziere, 'nu sacc' e uaje nire p' 'a capa, all'inizzio niscuno s' 'o stava ' a ssentìre.
Allora 'na sera, facette 'na bella penzata.
Tutt' 'e Masianello d' 'o cazz' c'aveno, a 'nu mumento, 'na bella truvata.
E chillo dicette accussì, 'na sera, cu' 'nnato amico d' 'o ssuoio, na specie 'e ggesucristo accapellone e zuzzuse, 'n' ato pure 'ca nun capisce 'na mazza, uno che pare che sta' penzanno come dirigere 'o munno. Dicette, 'na sera "ma cazzo, vulimme fa' vede' ca jamm' a 'cchiappà 'a cullottola d' 'o rrè? Faccimm'ammuina, arrevutamm' 'sta piazza. Facimmo vede' cumme s'abbiccia 'o terramoto. Arrevutamm' 'a città. Mettimo sott' e 'ncoppa stu regno 'e mmerda. Facimmoce senti' da tutte quanne 'e pupulane. 
Facimmo gli eroi,  famosi, importanti.
Gli eroi dei Due Mondi.
Anzi, che dduje! A nuje dduje  munne manco c'abbastano. Ce pigliammo tutt'e munne 'ro munno.
Acchiappammo 'o rre, purtammolo 'n piazza...  aizammo ammuina, facimmo 'nu fucarone...abbicciammo 'nu ppoc' 'e cristiane, quacche nobbile mettimmolo appaura, facimmoglie sentì 'o ffriddo adderet' 'e rine, n'acchiappammo 'nu ppoc' 'e quattrine...
Pigliammo a princessa e spogliammola annure, po' pigliammo a riggine e c' 'a chaivammo p' 'a via.  Assediamo 'o palazzo rriale...pigliammoce 'o rrè...
Jevano fantasticannoutt' accussi'  'e ddoje cazz' pe' 'e vvie.
Intanto scura si fece la notte, calaje nira 'n cielo la luna, senza stelle jettero 'e bastimenti pe' mmare.

Mo' avite a ssapè ca cchiù 'nu pover'ommo è disperato e cchiù s'ammocca palle e pallune.
'Nda' a cchesta città ca chiamman' 'e mmerda, ce stanno nu sacc' 'e muorte e famme ca nun ponno campà.
Ggente adddisperata, gnurante assaje e veramente incivile.
'O rrè nunn'ave maje tenute 'e scole p' 'a pupulazione.
A che cazz' serveno 'e scole?
Sulamente pe' ffa' aumentà 'e vizzie de' 'e ccriature ca, invece, aveno sulamente ji a ffatica'. 'Nu bbono patre nunn'adda fa perde 'a 'e guagliune 'e cchiù belle anne d'a vita, jettate 'ncopp' 'e libbre, a pigglia' malatie  arint' 'a 'na scola nira, china 'e fetenzie, fetusa, puzzulente e pericolante...
Ogni puver' ommo è meglio 'e 'nu prufussore.
Chille, 'e prufussore, l'omme 'e cultura,  nun credeno ' a nniente, la scienza ll'a dato 'ncapo, songhe addiventate tutti cecati. E sso' pure tutte quante puttanieri e miscredenti.
'O ddice sempe pure 'o Cardinale, ca se sente e ccunfessione d' 'o rrè.
'O pover'ommo, invece, sape riconoscere subbeto chi dice 'a verità.
'O pover'ommo c'ave 'sperienza.
'Nu disperato obbedisce a chi è cchiu' disperato de isse.
Mo', a 'stu mumento, 'o Masaniello d' 'o cazzo, se ne va giranno p' 'e vvie, alluccanno vendetta.
Tutt' 'e puverielle s' 'o ccumpatiscono. E chillo cchiu' allucca, cchiu' chille s' 'o fanno fratello.

E accussì, 'o Masaniello d' 'o cazzo cu' ll'amico suoio ggesucristo, barba longa e 'nzivate, s'aveno girato 'e vicariella cchiù malfamate, pure chill' che manc' 'a famme cchiu' pe' ppaura ce s'azzacca...
Alluccano, comm' a 'nu pazziariello p' 'e vvie, cu' nu cuncierto 'e triccaballacche appriesso...
Se girano vico pe' vvico, chiazza pe' chiazza, tutta 'a città.
E s'endrizzano accussì, a tutte chille puverielle muort' 'e famme e pezziente:
"Cumme staje, fratello?"
"'O rrè te tratta bbuono?"
"Te fa' magnà tutt' 'e juorne?"
E ddumande accussì.
Ca chille, 'e puverielle, ca manco ce vedono cchiu' pe' famme e carestie, restano ammutoliti.
S' 'o uardano senza sapere ca ddicere.
"E chisto chi cazz'è?", s'addomandano all'inizzio.
"Chiste dduje d'addo' cazz' so' asciute? A ndove 'e tenevano stipate?"
Aqquà parecchie, all'inizzio, furono diffidente assaje.
Quacchedun altro 'o mandaje subbeto 'affanculo, 'o Masaniello d' 'o cazzo e 'o ggesucristo amico suojo, pensanno ca venessero a sfottere dint' 'a casa lloro, accussi' dicava quaccheduno.
Ma per molti la famme era nera overamente.
E accussì, la disperazzione, l'ignoranza, la curiosità.
Erano assaje 'e mutive pe' gghji appriess' a chille dduje sacramente.
Eppò, dicimongello chiaramente, l'ammuina ave sempe attizzato 'e pupulane e chille ca nun c'aveno 'nu cazz' da perdere.
E' ricche passeno 'o tiempo arricchennose e juocando cu' zizze, cosce e fesse aperte.
Ma cille, invece, 'e puverielle, cche' poteno ffa'? 
Manco tenano 'e fforze pe' chiavà 'na vota 'o juorno e, ppo', dicimmoce 'a verità, a ddo' 'e piglieno 'e sorde pe' ppava' 'e zoccole vezzose, ammauntunate 'e pellicce, ggiujelle e pietre prezziose?

Accussì, appriesso a 'sto Masaniello d' 'o cazz', s'è arraccogliuta, all'inizzio, una piccola folla, 'nu drappello.
Gli apostoli, se chiammavano affra' ddi loro, ca jevano  sempe adderet'a chille dduje padreterni ca predicavano felicità, ricchezza e rrivoluzzione!
'Na squadra punitiva.
Che s' angrandeva, ghiuorno pe' gghiuorno, comme 'a nnu ciume che se jegne d' 'e sculatore e d' 'e ffugnature 'e tutt' 'a citta,  vvia pe' vvia, vico pe' vvico, casa pe' ccasa.
Chella vota ca 'o rrè penzaje che s'avevano ffa' ll'elezzione, v'arricurdate, ve l'aggio ggià raccuntato, s'appresentaje pure isso mmiez' 'a chille che se facettero eleggere. 
E furono eletti. Isso, 'o Masaniello d' o cazz', e pure chhill'ato, 'o ggesucristo c'a bbarba e 'i capille 'nzivate. 
Al parlamento, mmiez' 'e nobbele, 'e mariuole e tutte ll'ate figlie e puttane.
Mo apparevano pur'isse dduje ommene 'nsinno, dduje onnorevoli, dduje madonne d'autorità.
Adesso apparlavano difficile assaje e addicevano cose tutte 'mbuttunate. 
'A povera ggente nun sapeva cchiu' che cazzo penza'.
"S'è vennuto, s'è fatto 'mpurtante, mo' c'ave scurdato!"
"Mannò, mannò. 'Ovvedite, 'uardate. Chille nun piglia partito, stave aspettando, se uarde attuorno sultanto." "Guarde, 'uarde, chille dduje vanno sulamente alluccanno. Facimmo subbeto l'arrivoluzzione".
"Evviva, evviva! 'O Masaniello d' 'o cazzo e chill'ato cu' isso, 'o ggesucristo 'mbriaco"!.

Accussì lo squadrone addiventaje n'esercito eppoie cchiu' gruosso ancora, 'na massa crescente.
Infine se facette 'na pupulazzione.
'Na sera, nella piazza grande della città, 'o Masaniello d' 'o cazzo, cull'amico ggesucristo 'mbriaco, stevano arringando la folla, 'ngopp' a 'nu palco.
Isso alluccava cumm' a 'nu pazz' che s'aveva ordinare a li prieti di far fare alle statue i muraculi.
Senno' si doveva abbicciare il fuoco alle cchiese.
E tagliare la testa a tutti quei parassiti culle nere suttane.
Mentre stevano in cima a quel palco dove voleva alzare la forca per impiccare puro quel fetente d' 'o rrè, piglianculo e impotente, all'improvviso c'avette 'nu bbrivido friddo, 'na freve, ca scendette veloce ind' 'e rine.
"Ma comme, penzaje, m'appauro?
S'avesse appaurà chillu fesso d' 'o rrè. Acca' la festa è fernuta. . 
Mo' c'avimmo preso o' putere arrevolteremo lu munno!
I' so' Masaniello". Isso, 'o Masaniello d' 'o cazzo', diceva ca vuleva mettere aggiustizia, l'ordine e ppure la libbertà... 
... No libbertà no, ca chella è pe' 'e ricche, chella a 'e pezziente po sulo ' fà male... 
"Aveno tremare li nobbili, i ricchi, i potenti. 
Bbarone e bbarunesse, ggenerale e ggeneralesse, conti e contesse...
E soprattutto i preti! Li prevuti, chilli, pe' pprimi, che predicano bbene e ppo' portano d'oro gli anielli...
Il palazzo rriale domani sarà mmio.
In mano a mmè, a Masaniello, 'chesta città!".
A isso, sì, a sto' Masaniello d' 'o cazz'.

Accussì cercava e dasse curaggio.
E alluccava sempe cchiù fforte.
'A folla, 'asotte s'arrevutaje comm'a 'nna ciorta 'e disgrazziate c'ave spezzate 'e ccatene.
S'arraggiarono tutti.
Allucareno e strepitarono.
Nu' guaglione, all'intrasatte, avvisaje: 
"Sta arrivanno 'a riggina, sta addereto 'o cantone, c' 'a carrozza, l'accumpagna 'o squadrone a ccavallo".
Nella piazza tutt' 'e pezzient' d' 'a pupulazzione se vutajeno nverso 'o cantone.
Subbeto dieci pupulane giannizzeri fermano 'a carrozza 'a cavallo mentre, appaurato, lo squadrone si scompone fuggendo per ogni direzzione.
Tutta cumpita, la folla, in devozzione, facettero scendere, prianno, 'a riggina.
Oddìo, e mmo' che succede?
Eh, avisseve vvede' che succerette chella sera tremenda.
Forse alla riggina all'inizzio le pigliaje veramente appaura.
Se cacaje sotto, ma nunn'  'o ffacette sentì.
Poje arrivajeno dduje surdati armate ammarocchine.
Alla riggina glie piacette  assaje chell'ora bbona de punizzione, duro bastone, verga e quacche maledizzione (pe' capì chella povera femmena 'nfelice, avissave assapè ca chillo, 'o rrè, puveriello, nun c'aveva 'nu bbono bastone, 'na verga tosta. L'ammore, pe' la riggina, era una vera maledizzione).
Alla fine fuje stanca, la santa donna, dopo la purificazzione...
Ma l'avette appiacè, siccome, ormaimaje pentuta, 'mbracciaje la croce e, convertita sorella, se cuncedette felice alla nova, ardente, virginale religgione.

Ma alla pupulazzione quel gioco piacette poco. 'Overamente.
E accussì alluccarono ancora cchiù fforte.
E 'o Masaniello, semp' isso, 'o Masaniello d' 'o cazz', nun sapeva cchiù che dicere, 'ncoppa 'o palco d' 'a piazza..
'O popolo, ormaje s'era attizzato. 
Il fuoco era acceso.
Tutt' 'a pupulazzione vuleva essere accummannata a cumbattere.
Ammagari ''na 'uerra cumm'a chella dei due giannizzeri, c'avevamno accunzulato accussì bbene chella povera riggina 'nfelice.
E pure 'o ggesucristo ca stava cu isso nun c'aveva parole pe' dicere. Lui, l'ispiratore, il guru, la mente pensante.
Manch'isso sapeva cchiu' che cazzo dicere mo' c' 'o ffuoco s'era abbicciato overamente.!
Ma fuje sulo 'nu mumento assolitario. 
Luongo, infinito.
Ma nu sulo mumento. 
Sulamente 'nu mumento assolitario.
Forse 'o Masaniello d' 'o cazz' fuje 'mbuccato d' 'o ggesucristo 'mbriaco.
Nunn' 'o ssaccio, nunn' 'o pozzo sape'.
Ma tutt' 'a 'nu mumento se riavette, 'o Masanierllo d' 'o cazzo.
E accuminciaje a allucca' cumm' a 'nu pazzo, 'nu pazzo cu ll'uocchie 'a fore, scardite, sputanno ddio e lancianno bestemmie.
E  accussì tutte quante 'e muorte 'e famme s'abbicciarono comm' 'a cannelotte esplusive!
"Jamme, jamm' 'o palazzo!"
"Acchiappamm' chillo curnuto d'o rrè"
"E tutte quante ll'ate!"
Alluccareno 'e puverielle 'ndemuniati.
Pe' lla città se scatenarono mille diavuli.
Currettero e facettero muorte e rruine...

6 commenti:

  1. Non so perchè ma quando scrivi in dialetto, non riesco a seguire la trama, mi colpisce invece il suono, la singola parola, mi fai ridere pure se il racconto è tragico, mah.
    Di nuovo Auguri e ciao.

    RispondiElimina
    Risposte
    1. Grazie, Paolè, augurissimi anche a te!!!!!!!!
      Piero

      Elimina
  2. No dico...ma pure in vacanza mi fai lavorare? Ci ho messo mezz'ora per capire e ho capito circa la metà. :-(
    Non te la prendere, sai che scherzo e che ti leggo volentieri anche quando mi fai sudare...
    Comunque credo di aver compreso da cosa o da chi hai preso ispirazione per questo scritto. Non so, se è quello che penso, ancora non ho inquadrato completamente la situazione. Per certi versi m'ispira, per altri sicuramente no. Ma forse e sottolineo forse, può essere una spinta. Rischioso? Sicuramente, ma il rischio è insito nella vita. Non potrebbe essere un punto di partenza? Ma saremo poi capaci, eventualmente, di tenere sotto controllo certi eccessi? Non è facile... Non è facile capire, non è facile fidarsi.

    Ciao Piero e discorsi seri a parte, ti lascio i miei auguri di una Pasqua serena. Che sia un giorno dove possiamo per un attimo gustare del calore della famiglia, degli affetti veri e possiamo per un po' dimenticarci di tutto il difficile che abbiamo intorno.
    Buona Pasqua amico caro, a te e alla tua bella famiglia.
    Un abbraccio

    RispondiElimina
  3. Beh, Patrizia cara, anche l'affetto ha il suo prezzo!
    Beh, a parte gli scherzi, augurissimi di buona Pasqua.
    Un bacione,
    Piero

    RispondiElimina
  4. La storia si ripete? Quasi. Il collante sono gli sprechi e la corruzione, ma in fondo se ogni tanto non ci fosse un Masaniello le parrucche si sentirebbero al sicuro sulle teste e i sederi comodamente adagiati, perchè tanto il popolo sbuffa e basta.

    RispondiElimina
  5. Mah, io non credo alle rivoluzioni dei Masanielli.
    Masaniello, Cola di Rienzo, Savonarola e altri, sicuramente, ognuno a modo suo, sono momenti di gloria passeggera di popoli/cittadinanze che non hanno saputo ribellarsi davvero.
    Hanno tutti fatto brutta fine e lasciato il loro mondo peggiore di come lo avevano trovato.
    Sono sogni, illusioni, speranze tradite...

    La conosci questa canzone (la posto qui appresso)?
    Io mi ci riconosco fino alla penultima strofa.
    Tu ci aggiungeresti anche l'ultima.

    http://www.youtube.com/watch?v=0r2ycUr8El8

    Un salutone,
    Piero

    RispondiElimina

I commenti sono graditi